08000606

NUMRI JESHIL: PA PAGESË

........................................

“Aleanca kundër urrejtjes” ka ndjekur me shqetësim të thellë debatin publik i cili po zhvillohet prej disa ditësh në media televizive dhe mediat sociale lidhur me disa kërkesa për zgjerimin e disa të drejtave të komunitetit LGBTI në respektim të të drejtave të njeriut, të shprehura nga ana e përfaqësuesve të tyre.

“Aleanca kundër urrejtjes” shpreh vendosmërinë kundër kërcënimeve, gjuhës së urrejtjes dhe çdo lloj dhune apo nxitjeje për përdorim të dhunës, të përdorur nga individë të ndryshëm publikë ose jo, në emisione televizive, media të shkruara, online apo rrjete sociale, komente në artikujt dhe videot e publikuara, kundrejt aktivistëve të të drejtave të komunitetit LGBTI apo të çdo komuniteti tjetër, pjesëtar të shoqërisë sonë.

“Aleanca kundër urrejtjes” dënon aktet e dhunës ndaj anëtarëve të komunitetit LGBTI, ashtu si rasti i shënuar ditët e fundit ndaj një aktivisteje transgjinore dhe nënvizon se frymëzimi e nxitja për këto shprehje brutale të refuzimit të diversitetit vijnë pikërisht prej tolerimit paraprak të gjuhës së urrejtjes. Në këtë rast kërkohet një veprim i shpejtë dhe i qartë i autoriteteve kompetente, Policia dhe Prokuroria, në identifikimin dhe neutralizimin e autorëve si dhe fokusin e hetimit të lidhur me orientimin seksual të të dhunuarës.

“Aleanca kundër urrejtjes” tërheq vëmendjen dhe i kërkon publikut shqiptar për të qenë tolerant, miqësor dhe pranues ndaj diversitetit në shoqëri, për të forcuar mbështetjen ndaj grupeve të margjinalizuara e për të treguar se pavarësisht diferencave, ne jemi të gjithë të barabartë. Gjuha e urrejtjes shumë lehtesisht çon në krime të urrjejtjes.

“Aleanca kundër urrejtjes” shpreh mbështetjen dhe angazhimin për respektimin për të drejtat e njeriut të personave LGBTI në Shqipëri, për të drejtën e tyre për të jetuar të lirë nga diskriminimi dhe frika.

Një shoqëri është më e lumtur dhe më e emancipuar nëse arrin të pranojë në gjirin e saj të gjithë njerëzit pavarësisht racës, orientimit seksual, identitetit gjinor, bindjeve të tyre dhe çdo përkatësie që i përkasin apo perceptohet se i përkasin.

* Aleanca pa Urrejtje” – institucionet themeluese të saj: Avokati i Popullit, Komisioneri për Mbrojtjen nga Diskriminimi, Autoriteti Audio-vizual i Medias dhe Këshilli Shqiptar i Medias.

Tiranë

et-

Adresa: Rruga “Durrësit” Nr.27 Tiranë
Tel: + 355 4 243 1078
E-mail: info@kmd.al

Shkodër

et-

Adresa: ADISA Ish-Konvikti Safet Spahiu, Rruga: Edith Durham
Kodi Postar: 4001
Tel: + 355 67 449 6586
E-mail: info@kmd.al

Korçë

et-

Adresa: Pranë Ish Bashkisë Korçë, Rr:28 Nentori, Nr.1
Kodi Postar: 7001
Tel: +355 69 620 7371
E-mail: info@kmd.al

Fier

et-

Adresa: ADISA Lagjia 11 Janari, “Shtëpia e Ushtarakëve”
Kodi Postar: 9301
Tel: +355 69 516 1864 

Rreth Nesh

Veprimtaria e Komisionerit realizohet nëpërmjet shqyrtimit të ankesave të subjekteve që pretendojnë se janë viktima të sjelljeve diskriminuese apo që e nxisin atë, jo vetëm nga  administrata publike, por edhe nga subjektet private.

Shkarkoni Aplikacionin

Shkarko aplikacionin për versionin IOS

 Shkarko aplikacionin për versionin ANDROID